ᑲᓇᑕᒥ ᑐᐊᕕᕐᓇᖅᑐᒧᑦ ᐃᑲᔫᑏᑦ (CERB)
ᑖᒃᑯᐊ CERB ᒪᑐᓚᐅᖅᑐᑦ ᐱᒋᐊᕐᓂᖓᓂᒃ ᐅᑎᕐᕕᐅᓂᕐᒧᑦ ᑐᒃᓯᕋᐅᑎᓂᒃ ᑏᓰᒻᐱᕆ 2, 2020. ᑐᒃᓯᕋᐅᓯᐅᕈᓐᓇᐃᓪᓕᔪᑎᑦ ᑕᕝᕙᙵᑦ ᐃᑲᔫᑎᒥᒃ. ᐊᐱᖅᑯᑎᒃᓴᖃᖅᑮᑦ ᑕᕝᕗᖓ? 1-800-959-2019 ᐅᕝᕙᓘᓐᓃᑦ 1-800-959-2041.

ᑲᓇᑕᒥ ᑐᐊᕕᕐᓇᖅᑐᒃᑯᑦ ᐊᑭᓕᖅᓱᐃᓂᕐᒧᑦ ᐃᑲᔫᑏᑦ (CEWS)
ᑲᓇᑕ ᒐᕙᒪᒃᑯᖏᑦ ᐊᑭᓖᓂᐊᖅᑐᑦ ᐃᓚᖓᓂᒃ ᐃᖅᑲᓇᐃᔭᖅᑎᒧᑦ ᐊᑭᓕᖅᓲᑎᓂᒃ ᐱᔪᓐᓇᖅᑎᑕᐅᔪᓄᑦ ᐃᖅᑲᓇᐃᔭᕐᕕᓐᓄᑦ. ᐊᑭᓖᓯᒪᔪᒍᑦ 75% ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᒍᑎᖏᓐᓂᒃ ᐱᔪᓐᓇᖅᑎᑕᐅᔪᓄᑦ ᐃᖅᑲᓇᐃᔭᕐᕕᓐᓄᑦ, ᑖᓐᓇ ᐃᑲᔪᖅᑕᐅᔾᔪᑎ ᐊᑐᖅᑕᐅᒍᓐᓇᓂᐊᖅᑐᖅ ᑎᑭᓪᓗᒍ ᔫᓂ 2021. ᐊᑭᓕᖅᓱᖅᑕᕐᓄᑦ ᐃᑲᔪᖅᑕᐅᔾᔪᑎ ᐃᑲᔪᖅᑕᐅᔾᔪᑎᒋᔭᑦ ᐱᓯᒪᐃᓐᓇᖁᓪᓗᑎᑦ ᐊᒻᒪᓗ ᐅᑎᖅᑎᑦᓯᒍᓐᓇᖁᓪᓗᑎᑦ ᐃᖅᑲᓇᐃᔭᖅᑎᓐᓂᒃ ᐊᒻᒪᓗ ᓄᖅᑲᑎᑦᓯᑐᐃᓐᓇᑦᑕᐃᓕᒪᒍᑎ.

ᑖᓐᓇ ᐃᑲᔫᑎ ᐊᑐᐃᓐᓇᐅᓂᐊᖅᑐᖅ ᐆᑦᑑᑉᐱᕆ 13, 2021-ᒧᓄᑦ 

https://www.canada.ca/en/department-finance/economic-response-plan.html#individuals

ᐅᐃᒍᔭᐅᓂᖏᑦ ᓄᖅᑲᖓᑎᑕᐅᑲᐃᓐᓇᖃᑦᑕᕐᓃᑦ
ᑲᓇᑕ ᒐᕙᒪᒃᑯᖏᑦ ᐅᐃᒍᐃᓯᒪᔪᑦ ᓄᖅᑲᖓᑎᑕᐅᑲᐃᓐᓇᕋᑦᑕᕐᓂᐅᔪᓂᒃ ᑎᑭᐅᑎᓯᒪᔪᓂᒃ ᐊᕐᕕᓂᓕᓐᓂᒃ ᑕᖅᑭᓂᒃ ᑲᓇᑕᒥ ᐃᖅᑲᓇᐃᔭᖅᑎᓄᑦ ᐊᑐᖅᑕᐅᒋᐊᓖᑦ ᐊᐅᓚᑦᓯᔾᔪᑎᓂ ᐱᕕᒃᓴᖃᒃᑲᓐᓂᖁᓪᓗᒋᑦ ᐃᖅᑲᓇᐃᔭᕐᕖᑦ ᖃᐅᔨᒃᑲᐃᒍᑎᖃᕐᓂᕐᒥᒃ ᓄᖅᑲᖓᑎᑦᓯᑲᐃᓐᓇᓂᕐᒥᒃ ᐃᖅᑲᓇᐃᔭᖅᑎᓂᒃ. ᐊᓯᔾᔨᖅᓯᒪᓚᐅᐱᓪᓚᕐᓂᖓ ᐃᑲᔫᑎᓂᐊᖅᑐᖅ ᓴᐳᔾᔨᓯᒪᓂᕐᒥᒃ ᐃᖅᑲᓇᐃᔮᓂᒃ ᒐᕙᒪᑐᖃᒃᑯᑎᒍᑦ ᐊᐅᓚᑦᓯᔾᔪᑎᖃᖅᑎᑕᐅᔪᓂᒃ ᓇᖕᒥᓂᖅᓱᖅᑐᑦ−ᐱᓕᕆᕝᕖᑦ ᐃᖅᑲᓇᐃᔭᖅᑎᖏᓐᓂᒃ ᐊᒻᒪᓗ ᐃᑲᔪᖅᑕᐅᓗᑎᒃ ᐃᖅᑲᓇᐃᔭᕐᕖᑦ ᓵᙵᔭᕆᐊᖃᖅᑎᓪᓗᒋᑦ ᒪᑭᒪᔾᔪᑎᑎᒍᑦ ᐊᑦᓱᕈᕐᓇᖅᑐᒦᓐᓂᖏᓐᓂ ᐱᔾᔪᑕᐅᓗᓂ ᓄᓇᕐᔪᐊᒥ ᖃᓂᒪᓐᓇᖅ.
https://www.canada.ca/en/department-finance/economic-response-plan.html#individuals

ᐃᖅᑲᓇᐃᔮᕐᒥᒃ ᑲᑐᔾᔨᔪᓄᑦ ᐱᓕᕆᔾᔪᑎᑦ
ᑲᓇᑕᐅᑉ ᒐᕙᒪᒃᑯᖏᑦ ᐅᖓᕙᕆᐊᖅᑎᑦᑎᓯᒪᕗᑦ ᐃᖅᑲᓇᐃᔮᒥᒃ ᑲᑐᔾᔨᔪᓄᑦ ᐱᓕᕆᔾᔪᑎᓂᒃ 38 ᐱᓇᓱᐊᕈᓯᐅᓚᐅᕋᓗᐊᕐᒪᑕ 76-ᖑᓂᐊᓕᕐᓗᑎᒃ ᐱᓇᓱᐊᕈᓰᑦ ᐃᖅᑲᓇᐃᔭᕐᑎᑦᑎᔪᓄᑦ ᐊᑦᑐᖅᑕᐅᓯᒪᓂᖃᖅᑐᓄᑦ ᓄᕙᒡᔪᐊᕐᓇᖅ−19-ᒧᑦ. ᑖᓐᓇᓕ ᐱᑕᖃᕈᑕᐅᔪᑦ ᑮᓇᐅᔾᔭᒃᓵᓄᑦ ᐃᑲᔪᕈᑕᐅᓪᓗᓂ ᐃᖅᑲᓇᐃᔭᕐᑎᓄᑦ ᐱᔪᓐᓇᕐᑎᑕᐅᔪᓄᑦ ᐃᖅᑲᓇᐃᔭᙱᑐᕐᓯᐅᑎᓂᒃ ᐊᖏᖅᓯᒪᔪᓄᑦ ᐃᖅᑲᓇᐃᔭᕐᐸᑕᒥᑕ ᐃᖃᕐᕋᖏᑦ ᒥᑭᓪᓕᒋᐊᖅᑕᐅᓂᖏᓐᓄᑦ.
https://www.canada.ca/en/department-finance/economic-response-plan.html#individuals

ᓄᓇᕗᑦ ᒐᕙᒪᒃᑯᖏᑦ − ᒥᑭᓐᓂᕐᓴᐃᑦ ᓇᖕᒥᓂᖅ ᐱᓕᕆᕕᖁᑎᒋᔭᐅᔪᓄᑦ ᐱᓕᕆᔾᔪᑏᑦ
ᑖᓐᓇ ᐱᓕᕆᔾᔪᑕᐅᔪᖅ ᐃᑲᔪᕈᑕᐅᔪᖅ ᒥᑭᓐᓂᕐᓴᓂᒃ ᓇᖕᒥᓂᖃᖅᑐᓄᑦ ᐱᓕᕆᕕᖕᒥ, ᓄᓇᓕᖕᓂ ᑎᒥᐅᔪᓄᑦ ᐊᒻᒪ ᐃᒻᒥᒃᑯᐊᖅ ᐱᓕᕆᕕᓕᖕᓄᑦ ᐃᑲᔪᕐᑕᐅᒍᑎᑦ ᐱᕚᓪᓕᐸᓪᓕᐊᖁᓪᓗᒋᑦ. ᑖᓐᓇᓕ ᓄᓇᕗᖕᒥ ᓄᓇᖃᖅᑐᓄᑦ ᐊᒻᒪ ᓇᖕᒥᓂᖃᖅᑐᑦ ᐃᓄᒋᐊᓐᓂᕐᓴᐅᔪᓄᑦ ᐱᓕᕆᕕᖁᑎᓖᒃ ᓄᓇᕗᖕᒥ ᓄᓇᖃᖅᑐᑦ. ᐱᖓᓱᐃᓕᖓᒻᒪᑕ ᑮᓇᐅᔭᖃᕈᑎᑦ: ᒥᑭᓐᓂᕐᓴᓄᑦ ᓇᖕᒥᓂᕆᔭᐅᔪᓄᑦ ᐱᓕᕆᕕᓄᑦ ᑮᓇᐅᔭᖃᕈᑎᑦ, ᓇᖕᒥᓂᖅ ᐱᓕᕆᕕᒃᑖᐸᓪᓕᐊᔪᓄᑦ ᑮᓇᐅᔭᖃᕈᑏᑦ ᐊᒻᒪ ᐃᓅᓇᓱᐊᕈᑎᖃᓐᓂᕐᒧᑦ ᑮᓇᐅᔭᖃᕈᑎᑦ. ᓇᓗᓇᐃᔭᕐᓯᒪᓂᕐᓴᓂᒃ ᖃᐅᔨᒋᐊᕈᓐᓇᕐᐳᑎᑦ ᑲᒪᔨᖓᓐᓄᑦ ᐱᕙᓪᓕᐊᔪᓕᕆᓗᔨᒃᑯᑦ ᑕᒪᐃᓐᓂ ᓄᓇᐃᑦ ᐊᕕᒃᑐᕐᓯᒪᓂᖏᓐᓂ ᐅᑯᐊᖑᓪᓗᑎᒃ: ᕿᑎᕐᒥᐅᑦ, ᑭᕙᓪᓕᕐᒥᐅ, ᐅᐊᓐᓇᖓ ᕿᑭᖅᑖᓘᑦ, ᓂᒋᐊ ᕿᑭᖅᑖᓘᑦ, ᐅᕝᕙᓗ ᖃᐅᔨᒋᐊᕐᕕᒋᔪᓐᓇᕐᑕᑦ ᓄᓇᕗᑦ ᒐᕙᒪᒃᑯᖏᑕ ᖃᕆᑕᐅᔭᒃᑯᑦ ᐃᑭᐊᕐᕆᕕᖓ ᐅᓇ.
https://gov.nu.ca/iu/edt/programs-services/namminiqutiralaanut-ikajuqtunirmit-piliriat

ᑳᓐᓄᐊ − ᐅᑭᐅᖅᑕᖅᑐᒥ ᓇᖕᒥᓂᖁᑎᓕᓐᓄᑦ ᐃᑲᔫᑎᒃᓴᑦ ᑮᓇᐅᔭᑦ (NBRF)
ᐃᓕᓴᕆᔭᐅᓪᓗᓂ ᐊᒃᑐᐃᓯᒪᐃᓐᓇᕐᓂᖓ ᓄᕙᔾᔪᐊᕐᓇᖅ-19 ᐳᓚᕋᖅᑐᓕᕆᓂᕐᒨᖓᔪᓂᒃ ᓴᓇᕝᕕᓐᓅᖓᔪᓂᓗ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᓂᕐᓂ, ᑳᓐᓄᐊᒃᑯᑦ ᐃᓚᒋᐊᕆᓂᐊᖅᑐᑦ ᑮᓇᐅᔭᑎᒍᑦ ᐃᑲᔫᑎᓂᒃ ᑭᖑᓂᐊᓄ ᔪᓚᐃ 31, 2020, ᒫᓐᓇ ᐱᔪᓐᓇᖅᑎᑕᐅᔪᓄᑦ NBRF ᐃᑲᔫᑎᓂᒃ.. ᑮᓇᐅᔭᓕᑕᐅᓂᕐᒧᑦ ᐅᐃᒍᔭᐅᓂᖓ ᑕᕝᕙᙶᖅᑐᖅ ᑕᑯᑦᓴᐅᑎᑕᐅᓯᒪᔪᒥᒃ ᐊᑐᕆᐊᓕᖕᓂᒃ ᐊᒻᒪᓗ ᑮᓇᐅᔭᓖᒐᔭᖅᑐᑦ ᑎᑭᐅᑎᓯᒪᔪᓂᒃ ᐅᓄᕐᓂᖅᐹᖃᕈᓐᓇᖅᑐᒥᒃ $100,000 ᐅᕝᕙᓘᓐᓃᑦ ᑎᑭᓪᓗᒍ ᒫᑦᓯ 31, 2021, ᓇᓕᐊᑐᐃᓐᓇᖅ ᓯᕗᓪᓕᐅᔪᖅ ᐊᑐᕐᓗᒍ. ᑐᕌᖓᔪᖅ ᐱᓗᐊᖅᑐᒥ ᓇᖕᒥᓂᖁᑎᓕᓐᓄᑦ ᐊᐅᓚᑦᓯᔪᓄᑦ ᐳᓚᕋᖅᑐᓕᕆᓂᕐᒥᒃ, ᑐᔪᕐᒥᕕᑦᓴᓂᒃ ᐊᒻᒪᓗ ᓂᕆᔾᔪᑎᒃᓴᓂᒃ, ᐊᒻᒪᓗ ᓴᓇᐅᒐᖅᑎᓄᑦ, ᑕᑯᓐᓇᖅᑕᐅᕙᑦᑐᓄ/ᓱᐃᓛᕿᒍᑎᓄᑦ, ᐃᖏᕐᕋᔾᔪᑎᓄᑦ ᐊᒻᒪᓗ ᓂᐅᕕᕐᕕᓐᓄᑦ ᐱᓕᕆᕝᕕᓕᓐᓄᑦ. ᓇᖕᒥᓂᖁᑎᓖᑦ ᐊᓯᖏᓐᓂ ᐱᓕᕆᕝᕕᐅᕙᑦᑐᓂ ᐃᓱᒪᒃᓴᖅᓯᐅᕈᑕᐅᒍᓐᓇᓂᐊᕐᒥᔪᑦ ᖃᓄᐃᓐᓂᖏᑦ ᒪᓕᓪᓗᒋᑦ. ᖃᐅᔨᒋᐊᕐᕕᒃᓴᑦ ᑳᓐᓄᐊᒃᑯᑦ ᓇᖕᒥᓂᖁᑎᓕᓐᓄᑦ ᓄᓇᕗᒻᒦᑦᑐᓂᒃ 1-855-897-2667
https://www.cannor.gc.ca/eng/1587153226618/1587153246025

ᓇᖕᒥᓂᕆᔭᖅ ᐱᓕᕆᕕᐅᑉ ᑖᒃᓯᔭᕈᑎᖏᑦ ᑭᖑᕙᕆᐊᖅᑕᐅᓯᒪᔪᑦ
ᑲᓇᑕᒥ ᐃᓐᑲᒻᑖᒃᓯᓕᕆᔨᒃᑯᑦ ᑭᖑᕙᕆᐊᖅᑎᑦᑎᑲᓂᕐᓯᒪᕗᑦ ᐊᑭᓕᐅᑕᐅᔭᕆᐊᓕᖕᓂᒃ ᐊᑭᓕᖅᑕᐅᓯᒪᔭᕆᐊᓕᒥᓂᕐᓂᒃ 2019-ᒥ ᐃᖅᑲᓇᐃᔭᕐᑎᓄᑦ ᐃᓐᑲᒻᑖᒃᓯᓄᑦ ᑕᑕᕆᐊᖃᑦᑕᐅᓯᒪᔪᑦ ᐊᒻᒪ 2019 ᐅᕝᕙᓗ 2020 ᑎᒥ, ᐅᕝᕙᓗ ᐸᐸᑕᑦ ᐅᑎᕆᐊᓖᑦ, ᐊᒻᒪᓗ ᐃᓛᒃᑰᑕᕐᓗᒋᑦ ᐊᑭᓕᐅᑏᑦ, ᓯᑎᑉᐱᕆ 1, 2020-ᒥᑦ ᓯᑎᑉᐱᕆ 30, 2020-ᒧᑦ.
https://www.canada.ca/en/revenue-agency/campaigns/covid-19-update/covid-19-filing-payment-dates.html

ᑭᖑᕙᕆᐊᖅᑕᐅᓯᒪᒍᑎᖏᑦ ᓂᐅᕕᖅᑕᓄᑦ ᑖᒃᓯᔭᕈᑎᑦ ᐊᑭᓕᐅᑕᐅᔭᕆᐊᓖᑦ ᐊᒻᒪ ᑲᓇᑕᐅᑉ ᓯᓚᑖᓂᑦ ᓂᐅᕕᖅᑕᒥᓂᕐᓄᑦ ᐊᑭ ᐊᑭᓕᐅᑕᐅᔭᕆᐊᓖᑦ
ᓇᖕᒥᓂᕆᔭᐅᔪᑦ ᐱᓕᕆᕖᑦ, ᐱᖃᑕᐅᓪᓗᓂ ᐃᒻᒥᒃᑰᖅᑐᓂ ᐃᖅᑲᓇᐃᔭᕐᑐᑦ, ᑭᖑᕙᕆᐊᕆᔪᓐᓇᕐᐳᑦ ᐊᑭᓕᕆᐊᓕᖕᒥᓂᒃ ᔩᐃᐊᔅᑏᓂᒃ ᔫᓂ 30, 2020-ᒧᑦ. ᐱᖃᓯᐅᑎᓪᓗᒋᑦ ᑲᓇᑕᐅᑉ ᓯᓚᑖᓂᑦ ᓂᐅᕕᕈᑎᒥᓂᖏᓐᓄᑦ ᐊᑭᓕᖅᑕᐅᒋᐊᕋᓱᑦ ᑎᑭᑎᓪᓗᒋᑦ.
ᔩᐃᐊᔅᑏᓄᑦ ᐊᑭᓕᐅᑕᐅᔭᕆᐊᓖᑦ ᒪᑦᓯ 27−ᒥᓂᑦ ᐃᓱᐊᓄᑦ ᒪᐃᑉ ᑭᖑᕙᕆᐊᖅᑕᐅᔪᓐᓇᕐᐳᑦ ᔪᓂ 2020-ᒧᑦ. ᔩᐃᐊᔅᑏᑦ ᐊᒻᒪ ᑲᓇᑕᐅᑉ ᓯᓚᑖᓂᒃ ᓂᐅᕕᐊᕆᓯᒪᔭᖏᓐᓄᑦ ᑖᒃᓯᔭᕈᑏᑦ ᐊᑭᓕᐅᑏᑦ ᑎᑭᑎᑕᐅᓂᖏᓐᓄᑦ ᓂᐅᕕᐊᕆᔭᐅᓯᒪᔪᑦ, ᑭᖑᕙᕆᐊᖅᑕᐅᔪᓐᓇᕐᓂᐊᕐᐳᑦ ᐅᓄᕐᓂᖏᑦ ᐊᑭᓕᒃᓴ ᒪᑦᓯᒥᑦ, ᐃᐱᕆᒥᑦ ᐊᒻᒪ ᒪᐃᒥᑦ.
https://www.canada.ca/en/department-finance/news/2020/06/government-provides-update-on-sales-tax-and-duty-payment-deferral.html

ᑲᓇᑕᒥ ᑐᐊᕕᕐᓇᑐᒃᑯᑦ ᓇᖕᒥᓂᖃᖅᑐᑦ ᑐᖅᑯᐃᕕᖃᖅᑎᑕᐅᒍᑎᖏᑦ
CEBA ᑐᓂᓯᕙᑦᑐᖅ ᕿᑐᕐᖏᐅᕈᑎᖃᙱᑦᑐᓂᒃ, ᐃᓚᖓᒍᑦ ᐃᓱᒪᒋᔭᐅᔪᓐᓇᐃᖅᑕᐅᒍ ᓇᖅᑐᓂᒃ, ᐊᑐᖅᑐᐊᕈᑎᓂᒃ ᑎᑭᐅᑎᓯᒪᔪᓂᒃ $40,000, ᒥᑭᔫᑎᓂᒃ ᓇᖕᒥᓂᖁᑎᓕᓐᓄᑦ ᐊᒻᒪᓗ ᑮᓇᐅᔭᓕᐅᕋᓱᐊᖅᑎᐅᖏᑦᑐᓄᑦ ᑐᙵᐅᑦᓯᓯᒪᔪᓂᒃ ᐃᓵᑦᓯᓂᕆᓲᖏᓐᓂᒃ ᐱᔾᔪᑕᐅᓪᓗᓂ ᓄᕙᔾᔪᐊᕐᓇᖅ−19 ᑭᓯᐊᓂ ᓵᙵᑦᓯᒋᐊᖃᐃᓐᓇᖅᑐᑦ ᓄᒃᑎᖅᑕᐅᒍ ᓇᖏᑦᑐᓂᒃ ᐊᑭᓂᒃ, ᓲᕐᓗ ᐊᑐᖅᑐᐊᕈᑏᑦ, ᐆᒻᒪᖅᑯᑏᑦ, ᓇᓪᓕᐅᒃᑯᒫᑦ, ᑖᒃᓰᔭᐅᑏᑦ ᐊᒻᒪᓗ ᐊᑭᓕᖅᓱᖅᑕᐅᒍᑏᑦ.
ᑏᓰᒻᐱᕆ 4, 2020−ᒥ, CEBA ᐊᑐᖅᑐᐊᕋᑦᓴᖁᑎᖏᓐᓂᒃ ᐱᔪᓐᓇᖅᑎᑕᐅᔪᓄᑦ ᓇᖕᒥᓂᖁᑕᐅᔪᓄᑦ ᐅᓄᖅᓯᒋᐊᕐᓂᐊᖅᑐᑦ $40,000-ᒥᒃ $60,000-ᓄᑦ. ᑐᒃᓯᕋᖅᓯᒪᔪᑦ ᑐᓂᔭᐅᓯᒪᔪᑦ $40,000−ᓂᒃ CEBA ᐊᑐᖅᑐᐊᓂᕐᒧᑦ ᑐᒃᓯᕋᕈᓐᓇᖅᑐᑦ $20,000−ᑲᓂᕐᓂᒃ ᐃᓚᒋᐊᕈᑎᓂᒃ. ᑐᒃᓯᕋᖅᑐᓕᒫᑦ ᐱᕕᒃᓴᖃᖅᑎᑕᐅᔪᑦ ᒫᑦᓯ 31, 2021-ᒧᓄᑦ, ᑐᒃᓯᕋᕕᒃᓴᖅ $60,000-ᓂᒃ CEBA ᐊᑐᖅᑐᐊᕋᑦᓴᓂᒃ ᐅᕝᕙᓘᓐᓃᑦ $20,000 ᐃᓚᒋᐊᕈᑎᓂᒃ. ᐊᐱᖅᑯᑎᒃᓴᖃᕈᕕᑦ, ᖃᐅᔨᒋᐊᕈᓐᓇᖅᑐᑎᑦ CEBA ᐅᖄᓚᐅᑖ 1-888-324-4201.
https://ceba-cuec.ca/
*ᓄᑖᖅ* ᑐᒃᓯᕋᖅᑐᓕᒫᑦ ᖃᐅᔨᒋᐊᕈᓐᓇᖅᑐᑦ ᖃᓄᐃᓕᖓᓂᖓᓂᒃ CEBA−ᒥᒃ ᐊᑐᖅᑐᐊᕈᑎᒥᓂᒃ ᐅᕗᖓ https://status-statut.ceba-cuec.ca/.

ᐊᑐᖅᑐᐊᓂᕐᒧᑦ ᓇᓪᓕᐅᒃᑯᒫᑦ ᒥᑭᔫᑎᓄᑦ ᐊᑯᓐᓈᕿᔪᓄᓪᓗ ᓇᖕᒥᓂᖁᑕᐅᔪᓄᑦ
ᓯᓚᑖᓅᖅᑲᐃᓂᕐᒧᑦ ᐱᕙᓪᓕᐊᔪᓕᕆᔨᒃᑯᑦ ᑲᓇᑕᒥ (EDC) ᐃᖅᑲᓇᐃᔭᖃᑎᓖᑦ ᑮᓇᐅᔭᒃᑯᕕᓐᓂᒃ ᓇᓪᓕᐅᒃᑯᒫᓄᑦ 80% ᓄᑖᒥᒃ ᐊᐅᓚᑦᓯᔾᔪᑎᒃᓴᒥᒃ ᐊᑭᓕᑦᓴᖃᐅᒻᒥᒃ ᐊᒻᒪᓗ ᑮᓇᐅᔭᑐᐃᓐᓇᐃᑦ ᐊᐅᓚᓂᖏᓐᓄᑦ ᐃᓱᓕᕝᕕᓕᓐᓂᒃ ᐊᑐᖅᑐᐊᕈᑎᓂᒃ ᑎᑭᐅᑎᓯᒪᔪᓂᒃ $6.25−ᒥᓕᔭᓐ ᒥᑭᔫᑎᓄᑦ ᐊᑯᓐᓈᕿᔪᓄᓪᓗ ᓇᖕᒥᓂᖁᑕᐅᔪᓂᒃ (SMEs). ᐃᑲᔫᑎ ᐊᐅᓚᔾᔪᑎᓄᑦ ᐊᑭᓕᖅᓱᕆᐊᓕᓐᓄᑦ ᐊᒻᒪᓗ ᐊᑐᐃᓐᓇᐅᔪᖅ ᑕᒪᒃᑮᓐᓄᑦ ᓯᓚᑖᓅᖅᑲᐃᖃᑦᑕᖅᓄᑐᑦ ᐊᒻᒪᓗ ᓯᓚᑖᓅᖅᑲᐃᖃᑦᑕᙱᑦᑐᓄᑦ ᑲᒻᐸᓂᓄᑦ. ᓇᖕᒥᓂᖁᑎᓖᑦ ᑐᒃᓯᕋᕈᓐᓇᖅᑐᑦ ᐃᑲᔫᑎᒃᓴᒥᒃ CEBA−ᑯᓐᓂᒃ ᑮᓇᐅᔭᒃᑯᕕᒻᒥᒍᑦ ᐊᒻᒪᓗ ᐊᑭᓕᑦᓴᓂᕝᕕᑦᑎᒍᑦ ᑲᑐᔾᔨᖃᑎᒌᓄᑦ ᔫᓂ 2021-ᕈᕋᓱᐊᕐᓂᖓᓂ.

ᐊᑐᖅᑐᐊᑎᑦᓯᖃᑎᒌᓄᑦ ᐃᑲᔫᑎᒃᓴᖅ ᒥᑭᔫᑎᓄᑦ ᐊᑯᓐᓈᕿᔪᓄᓪᓗ ᓇᖕᒥᓂᖁᑕᐅᔪᓄᑦ
ᓇᖕᒥᓂᖁᑎᓕᓐᓄᑦ ᐱᕙᓪᓕᐊᔪᓕᕆᔨᒃᑯᑦ ᑲᓇᑕᒥ (BDC) ᐃᖅᑲᓇᐃᔭᖃᑎᓖᑦ ᑮᓇᐅᔭᒃᑯᕕᓐᓂᒃ ᐊᑐᖅᑐᐊᑎᑦᓯᖃᑎᒌᓐᓂᒃᑯᑦ ᐃᓱᓕᕝᕕᓕᓐᓄᑦ ᐊᑐᖅᑐᐊᑎᑦᓯᒍᑎᓂᒃ ᑎᑭᐅᑎᓯᒪᔪᓂᒃ $6.25−ᒥᓕᔭᓂᒃ SME−ᓄᑦ ᐊᐅᓚᔾᔪᑎᖏᓐᓄᑦ ᑮᓇᐅᔭᑐᐃᓐᓇᖅᑎᒍᑦ ᐊᑐᕆᐊᓕᖕᓂᒃ, ᐊᑐᖅᑕᐅᓗᑎᒃ ᓇᖕᒥᓂᖁᑎᒋᔭᐅᔪᑦ ᐃᓵᑦᓯᒍᑎᖏᑦ. ᓇᖕᒥᓂᖁᑎᓖᑦ ᑐᒃᓯᕋᕈᓐᓇᖅᑐᑦ ᐃᑲᔫᑎᒃᓴᒥᒃ CEBA−ᑯᓐᓂᒃ ᑮᓇᐅᔭᒃᑯᕕᒻᒥᒍᑦ ᐊᒻᒪᓗ ᐊᑭᓕᑦᓴᓂᕝᕕᑦᑎᒍᑦ ᑲᑐᔾᔨᖃᑎᒌᓄᑦ ᔫᓂ 2021-ᕈᕋᓱᐊᕐᓂᖓᓂ.

ᐊᕕᑦᑐᖅᓯᒪᓂᖅᑎᒍᑦ ᐃᑲᔫᑏᑦ ᐊᒻᒪᓗ ᔭᒐᐃᔭᒥᓂᕐᓂᒃ ᐅᑎᖅᑎᑦᓯᒍᑎᒃᓴᑦ ᑮᓇᐅᔭᑎᒍᑦ (RRRF)
ᑖᒃᑯᐊ RRRF ᐃᑲᔪᕐᓂᐊᖅᑐᑦ ᓇᖕᒥᓂᖁᑕᐅᔪᓂᒃ ᑲᑐᔾᔨᖃᑎᒌᓂᓪᓗ ᐱᓕᕆᕝᕕᐅᔪᓂᒃ ᓲᕐᓗ ᓴᓇᕕᔾᔪᐊᑦ, ᐃᓱᕐᕆᐅᑏᑦ, ᐳᓚᕋᖅᑐᓕᕆᓂᖅ ᐊᒻᒪᓗ ᐊᓯᖏᑦ ᐊᑐᖅᑕᐅᓪᓗᐊᑕᖃᑦᑕᖅᑐᑦ ᐊᕕᑦᑐᖅᓯᒪᓂᕐᓂ ᐊᒻᒪᓗ ᓄᓇᓖᑦ ᒪᑭᒪᔾᔪᑎᖏᓐᓄᑦ. ᑖᓐᓇ ᑮᓇᐅᔭᖅ ᑐᕌᖓᔪᖅ ᐃᑲᔪᖅᑕᐅᑲᓐᓂᕆᐊᓕᓐᓄᑦ ᐅᑎᖅᐸᓪᓕᐊᓂᕐᒧᑦ ᓄᕙᔾᔪᐊᕐᓇᖅ−19 ᓄᓇᕐᔪᐊᒥ ᖃᓂᒪᓐᓇᒧᑦ ᑲᑕᑦᑎᑕᐅᓯᒪᔪᓄᑦ ᑭᓯᐊᓂ ᐱᔪᓐᓇᖅᑎᑕᐅᓯᒪᙱᑦᑐᓄᑦ ᐊᓯᖏᓐᓂᒃ ᐃᑲᔫᑎᓂᒃ. ᖃᐅᔨᒋᐊᕐᕕᒃᓴᖅ ᑲᓇᑕᒥ ᐅᑭᐅᖅᑕᖅᑐᒥ ᒪᑭᒪᔾᔪᑎᒃᓴᓄᑦ ᐱᕙᓪᓕᐊᔪᓕᕆᓂᕐᒧᑦ ᑎᒥᖓ (ᑳᓐᓄᐊ) ᐅᖄᓚᕕᑦᓴᖅ ᓇᖕᒥᓂᖁᑎᖃᖅᑐᓄᑦ ᓄᓇᕗᒻᒦᑦᑐᓂᒃ 1-855-897-2667

ᐊᑯᓐᓂᖓᓃᑦᑐᑦ−ᐱᔪᒐᖅᓴᐅᑏᑦ ᐊᑭᓕᑦᓴᓂᑦᓯᒪᓂᕐᒧᑦ ᐃᑲᔫᑎ
ᓇᖕᒥᓂᖁᑎᓕᓐᓄᑦ ᐱᕙᓪᓕᐊᔪᓕᕆᔨᒃᑯᑦ ᑲᓇᑕᒥ (BDC) ᐊᑯᓐᓂᖓᓃᑦᑐᑦ−ᐱᔪᒐᖅᓴᐅᑏᑦ ᐊᑭᓕᑦᓴᓂᑦᓯᒪᓂᕐᒧᑦ ᐃᑲᔫᑎᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᑐᖅᑐᐊᖅᓯᒪᔪᓄᑦ ᐊᑯᓐᓂᖏᓐᓂ $12.5-ᒥᓕᔭᓐ ᐊᒻᒪᓗ $60−ᒥᓕᔭᓐ ᐊᑯᓐᓈᕿᔪᒥᒃ ᓇᖕᒥᓂᖁᑎᓕᓐᓄᑦ ᐊᑭᓕᑦᓴᖃᐅᑎᖏᑦ ᖄᖏᐅᑎᓯᒪᒋᐊᓕᓐᓄᑦ ᐊᑐᐃᓐᓇᐅᕌᓂᑦᑐᓄᑦ ᓇᖕᒥᓂᖁᑎᓕᓐᓄᑦ ᐊᑭᓕᑦᓴᖃᐅᑎᓄᑦ ᐊᑐᐃᓐᓇᐅᑎᑕᐅᔪᓄᑦ ᐃᑲᔫᑎᑎᒍᑦ ᐊᒻᒪᓗ ᐊᓯᖏᑎᒍᑦ ᐊᑐᕋᑦᓴᑎᒍᑦ. BDC ᓂᕆᐅᒋᔭᖓ ᐱᔪᓐᓇᖅᑎᑕᐅᓂᐊᖅᑐᑦ ᑲᒻᐸᓃᑦ ᐊᕐᕌᒍᑕᒫᑦ ᐃᓵᑦᓯᖃᑦᑕᖅᑐᑦ ᐅᖓᑖᓄᑦ $100−ᒥᓕᔭᓐ. ᐃᑲᔫᑎᒃᓴᖅ ᑖᓐᓇ ᐊᑐᐃᓐᓇᐅᓂᐊᖅᑐᖅ ᔫᓂ 2021-ᒧᓄᑦ.

ᐃᑲᑕᔫᑎᒃᓴᖅ ᐃᑦᑐᖅᓯᐅᑎᑖᑦᓴᓂᒃ ᐊᑭᓕᖅᓲᑕᐅᖃᑦᑕᖅᑐᓄᑦ
ᑲᓇᑕᐅᑉ ᒐᕙᒪᒃᑯᖏᑦ ᐱᑕᖃᖅᑎᑦᑎᑲᐃᓐᓇᕐᐳᑦ ᐃᑲᔪᕈᑎᓂᒃ ᒐᕙᒃᑯᑎᒍᑦ ᒪᓕᒐᖅᑎᒍᑦ ᐊᐅᓚᑕᐅᒍᑎᓕᖕᓂᒃ, ᓇᓗᓇᐃᖅᑕᐅᓯᒪᔪᓂᒃ ᐅᑐᖅᑲᖅᓯᐅᑎᑖᒃᓴᓂᒃ, ᐃᓱᓕᒐᓱᐊᓐᓂᓕᒫᖓᓄᑦ ᐅᑭᐅᑉ 2020, ᐊᑭᓕᒃᓴᒥᓂᒃ ᐊᑭᓖᔪᓐᓇᓂᐊᕐᑑᔮᕐᐸ ᓇᓗᓇᐃᖅᑕᐅᓯᒪᔪᑎᒍᑦ ᐅᑐᖅᑲᖅᓯᐅᑎᑖᒃᓴᓂᒃ. ᐃᖅᑲᓇᐃᔭᕐᑎᑦᑎᔪᑦ ᑮᓇᐅᔭᖃᕋᔭᕐᑐᑦ ᐊᐅᓚᑦᑎᔾᔪᑎᒥᓄᑦ ᐊᒻᒪ ᐅᑐᖅᑲᖅᓯᐅᑎᑖᒃᓴᓄᑦ, ᐊᒻᒪᓗ ᓴᐳᑎᔭᐅᓯᒪᔾᔪᑎᖃᓪᓗᑎᒃ ᐅᑐᖅᑲᖅᑐᓄᑦ ᐊᑭᓕᐅᑎᒃᓴ ᐃᖅᑲᓇᐃᔭᕐᑎᖏᓐᓄᑦ ᐊᒻᒪ ᐅᑐᖅᑲᓂᕐᒥᓄᑦ ᐃᖅᑲᓇᐃᔭᕈᓐᓃᖅᑐᓄᑦ.
https://www.canada.ca/en/department-finance/news/2020/04/government-announces-relief-for-federally-regulated-pension-plan-sponsors.html