ᓄᕙᔾᔪᐊᕐᓇᖅ−19

ᑐᙵᕕᒃᑯᓐᓂᒃ ᐱᓇᓱᐊᒐᕆᔭᐅᔪᑦ

ᓄᕙᒡᔪᐊᓇᖅ−19 ᐋᓐᓂᐊᑖᖅᑕᐃᓕᒪᒍᑎᓂᒃ ᑲᐱᔭᐅᔭᕐᑐᕐᕕᒃ ᐃᓯᑐᐃᓐᓇᕆᐊᖅ

ᑐᙵᕕᒃ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᒻᒪᓗ ᓄᓇᕗᑦ ᒐᕙᒪᖓ ᐱᓕᕆᖃᑎᒌᑦᑐᑎᒃ ᑲᐱᔭᐅᒍᑎᒃᓴᖏᓐᓄᑦ ᐃᓄᐃᑦ ᓄᕙᔾᔪᐊᓇᖅᑖᔭᐃᒃᑯᑎᒧᑦ−19-ᒥᒃ.

ᓄᕙᒡᔪᐊᕐᓇᖅ−19−ᒧᑦ ᐋᓐᓂᐊᑖᖅᑕᐃᓕᒪᔾᔪᑎᒥᒃ ᑲᐱᔭᐅᔪᑦ ᑕᕐᕆᔭᒐᒃᓴᓕᐊᑦ ᓇᐃᑦᑑᑎᑦ

ᓄᕙᒡᔪᐊᕐᓇᖅ−19−ᒧᑦ ᐋᓐᓂᐊᑖᖅᑕᐃᓕᒪᔾᔪᑎᒥᒃ ᑲᐱᔭᐅᔪᑦ ᑕᕐᕆᔭᒐᒃᓴᓕᐊᑦ ᓇᐃᑦᑑᑎᑦ – ᐊᓯᓇ ᐃᓪᓚᐅᑦ ᓈᑦᓯ ᒪᐃᒃ, ᐋᓐᓂᐊᓯᐅᕐᑎ ᒥᑐᓴᓕ ᑯᓄᒃ ᔨᐊᓇ ᒥᕐᒃᑯᓵᕐᒃ ᐊᓯᓇ ᐃᓪᓚᐅᑦ

ᓄᓇᕗᑦ ᑐᙵᕕᒃ ᑎᒥᖓ ᑐᓴᖅᑎᑦᓯᕗᖅ ᑲᒪᒋᔭᐅᓂᖓ III ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᐃᑲᔫᑎᒃᓴᑦ ᑮᓇᐅᔭᑦ

ᑐᓴᖅᑎᑦᓯᔪᖅ $8-ᒥᓕᔭᓐ ᐃᑲᔫᑎᒃᓴᑲᓐᓃᑦ ᑲᒪᒋᐊᕈᑎᒃᓴᑦ ᓂᕿᖃᑦᓯᐊᕈᑎᒃᓴᒧᑦ ᐊᒻᒪᓗ ᓄᓇᓕᐊᖃᑦᑕᓂᕐᒧᑦ ᖃᓂᒌᓗᐊᑦᑕᐃᓕᓂᕐᒧᑦ ᓄᕙᔾᔪᐊᕐᓇᖅ−19 ᓄᓇᕐᔪᐊᒥ ᖃᓂᒪᓐᓇᕐᓂᖓᓂ ᐊᑐᕋᑦᓴᑦ.
ᑐᙵᕕᒃᑯᑦ ᑮᓇᐅᔭᓖᒍᑎᖏᑦ ᑎᒍᒥᐊᖅᑕᐅᓂᐊᖅᑐᑦ ᑐᐊᕕᕐᓇᖅᑐᓕᕆᐅᑎᒃᓴᐅᓗᑎᒃ ᓄᕙᔾᔪᐊᕐᓇᖅ−19 ᓯᐊᒻᒪᑲᓐᓂᖅᑐᒥᓂᐅᑉᐸᑦ ᓄᓇᕗᒻᒥ ᐊᒻᒪᓗ ᑐᓂᔭᐅᓯᒪᔪᑦ ᑐᙵᕕᒃᑯᓐᓂᒃ ᒪᓕᑦᑐᒋᑦ ᐊᖏᖅᑕᐅᓯᒪᔪᑦ ᐊᕕᑦᑐᐃᔾᔪᑎᒃᓴᑦ ᐊᒻᒪᓗ ᑐᓴᕆᐊᕐᕕᒋᔭᐅᓪᓗᑎᒃ ᐊᕕᑦᑐᖅᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᖏᑦ.

ᓄᕙᔾᔪᐊᕐᓇᖅ-19 ᓇᒧᙶᔭᕆᐊᖃᙱᑦᑐᓄᑦ ᐃᑲᔫᑏᑦ

ᓄᓇᕗᑦ ᑐᙵᕕᒃ ᑎᒥᖓ (ᑐᙵᕕᒃᑯᑦ) ᑐᓴᕐᑎᑦᑎᒍᑎᖓ ᐊᓂᑦᑕᐃᓕᑎᑕᓄᑦ ᑭᓱᖃᕈᑏᑦ ᐃᑲᔪᕈᑕᐅᓂᐊᕐᑐᑦ ᑭᓱᐃᒍᑎᓯᒪᖁᓇᒋᑦ ᓄᓇᕗᖕᒥ ᐃᓄᐃᑦ ᐊᑦᑐᖅᑕᐅᓯᒪᔪᑦ ᓄᕙᒡᔪᐊᕐᓇᖅ−19-ᒧᑦ. ᐊᓂᑦᑕᐃᓕᖁᔭᐅᓯᒪᔪᓄᑦ ᑭᓱᐃᒍᑎᑦᑕᐃᓕᒪᒍᑏᑦ ᐱᔭᐅᕙᓐᓂᐊᕐᐳᑦ ᓄᓇᕗᖕᒥ ᐃᓄᖕᓄᑦ ᓇᓗᓇᐃᖅᑕᐅᓯᒪᓕᕐᑐᓄᑦ ᓄᕙᒡᔪᐊᓇᖅ−19−ᒥᑦ ᐋᓐᓂᐊᑖᖅᓯᒪᔪᓄᑦ ᐅᕝᕙᓗ ᐊᓂᑦᑕᐃᓕᑎᑕᐅᓯᒪᖁᔭᓄᑦ ᐅᓪᓗᓂᒃ 14-ᓂᒃ ᖃᓂᒋᔭᖃᖅᑐᒥᓂᕐᓄᑦ ᓄᕙᒡᔪᐊᓇᕐᑐᒥᒃ ᐋᓐᓂᐊᓕᖕᒥᒃ.

ᕿᓂᖅᑐᑦ ᐃᓄᖕᓂᒃ ᐃᖢᐊᖅᓴᐃᔨᓂᒃ

ᑭᒡᒍᑕᐅᔪᖅ ᓄᕙᒡᔪᐊᕐᓇᖅ-19, ᓄᓇᕗᑦ ᑐᙵᕕᒃ ᑎᒥᖓ ᐅᑎᖅᑎᑦᑎᓂᐊᖅᑐᑦ ᓚᐃᓴᓄᑦ ᐃᓄᐃᑦ ᐃᖢᐊᖅᓴᐃᔩᑦ ᐊᑭᓖᒍᑎᒥᓂᕐᓂᒃ ᓚᐃᓴᑖᕈᒪᔪᓄᑦ ᐅᕝᕙᓘᓐᓃᑦ, ᐊᑎᓕᐅᒃᑲᓂᕐᓗᑎᒃ ᓄᓇᕗᒻᒥ ᐃᓚᒋᔭᐅᓗᑎᒃ ᐃᓕᓐᓂᐊᕌᓂᕋᑖᓚᐅᖅᑐᑦ.
ᑐᑭᓯᒋᐊᒃᑲᓂᕐᕕᒃᓴᖅ, ᐅᕗᖓ covid-19@tunngavik.com

ᑐᙵᕕᒃᑯᑦ ᐊᒻᒪᓗ ᓄᓇᕗᑦ ᒐᕙᒪᖓ − $2-ᒥᓕᔭᓐ ᓄᓇᓖᑦ ᓂᕆᔭᑦᓴᖏᓐᓄᑦ ᐱᓕᕆᐊᑦ

ᑐᙵᕕᒃᑯᑦ ᐊᒻᒪᓗ ᓄᓇᕗᑦ ᒐᕙᒪᖓ ᐊᑐᕋᑦᓴᓃᓚᐅᖅᑐᑦ ᐅᖓᑖᓂ $2-ᒥᓕᔭᓐ ᓄᓇᓕᓐᓂ ᓂᕆᔭᒃᓴᓕᕆᓂᕐᒧᑦ ᓄᑕᖅᑲᓄᑦ ᐃᓐᓇᓄᓪᓗ ᑭᒡᒍᑕᐅᔪᒥᒃ ᓄᕙᔾᔪᐊᕐᓇᖅ-19−ᒧᑦ. ᑖᒃᑯᐊ ᑮᓇᐅᔭᑦ ᕼᐊᒻᓚᓅᖅᑲᓂᐊᖅᑐᑦ ᐊᒻᒪᓗ ᓄᓇᓕᓐᓄᑦ, ᐊᐅᓚᑦᓯᒍᑎᒃᓴᐅᓗᑎᒃ ᐱᓕᕆᐊᓄᑦ ᐱᔭᕆᐊᓕᖏᓐᓄᑦ ᐋᖅᑭᓱᕐᓂᐊᖅᑕᖏᓐᓂᒃ.

ᓄᓇᕐᔪᐊᒥ ᖃᓂᒪᓐᓇᕐᓂᖓᓂ, ᑖᒃᑯᐊ ᑮᓇᐅᔭᑦ ᑎᒥᒧᑦ ᐊᑐᕐᓂᓕᓐᓂᒃ ᓂᕿᑦᓯᐊᕙᓐᓂᒃ ᓂᕆᔭᒃᓴᖃᕈᑕᐅᓂᐊᖅᑐᑦ ᓄᓇᕗᒻᒥ ᐊᒃᑐᖅᑕᐅᓂᐅᓴᓂᖅᐹᓄᑦ, ᐊᑐᕐᓗᑎᒃ ᓄᓇᓕᓐᓂ ᖃᐅᔨᒪᔪᕐᔪᐊᓂᒃ ᐊᖅᑯᑎᒋᔭᐅᕙᑦᑐᓂᓪᓗ. ᓄᓇᓖᑦ ᒥᑦᓯᑎᓐᓃᑦᑐᓂᒃ 1,000 ᐃᓄᓖᑦ ᑐᓂᔭᐅᓂᐊᖅᑐᑦ $40,000; ᑕᐃᒃᑯᐊᓕ ᐅᖓᑖᓃᑦᑐᓂᒃ 1,000 ᑐᓂᔭᐅᓂᐊᖅᑎᓪᓗᒋᑦ $90,000. ᐃᖃᓗᓐᓅᖅᑕᐅᓂᐊᖅᑐᑦ $200,000.

ᐊᒡᒐᖕᒥᓂᒃ ᐅᐊᓴᖃᑦᑕᕐᓂᖏᑦ ᐃᓄᐃᑦ ᐊᑎᖃᖃᑕᐅᔪᑦ

ᐃᑲᔫᑏᑦ ᐃᓱᓕᒃᓯᒪᓕᕐᒃᑑᒃ : 2020-05-31

ᑐᙵᕕᒃᑯᑦ ᐊᑐᕋᑦᓴᓃᓚᐅᖅᑐᑦ $1.25−ᒥᓕᔭᓂ ᐃᓄᐃᑦ ᓄᓇᕗᑦ ᓄᓇᓕᖏᓐᓂ ᑲᔪᓰᓐᓇᖅᑐᒥᒃ ᓴᓗᒪᔪᒥᒃ ᐃᒪᖃᑦᓯᐊᕈᑎᒃᓴᖏᓐᓂᒃ ᐃᕐᒥᖃᑦᑕᖁᓪᓗᒋᑦ/ᐃᕐᕈᖅᑐᖃᑦᑕᖁᓪᓗᒋᑦ ᐊᒡᒐᒥᓂᒃ. ᓄᓇᓖᑦ ᐊᑐᖅᑐᑦ ᑮᓇᐅᔭᓂᒃ ᐊᖏᕐᕋᑦ ᖃᐅᑕᒫᑦ ᐃᒥᖅᑕᖅᑕᐅᖃᑦᑕᕈᓐᓇᖁᓪᓗᒋᑦ ᐊᑦᑕᖅᑕᐅᖃᑦᑕᕐᓗᑎᓪᓗ ᑕᖅᑭᖓᓂ ᐄᑉᕈ, ᐃᓚᒋᔭᐅᒍᓐᓇᖅᑐᑎᒃ ᐃᖅᑲᓇᐃᔭᖅᑎᑖᕐᓂᒃ ᓄᑖᓂᒃ ᐊᖁᑎᓂᒃ, ᐃᓚᒋᐊᕈᑎᓂᒃ ᐃᑲᕐᕋᓂᒃ ᐱᔨᑦᓯᖅᑕᐅᖃᑦᑕᓂᕐᒧᑦ, ᐊᑭᓕᖅᓱᐃᓂᖅ ᐃᖅᑲᓇᐃᔭᕐᓇᐃᑦ ᐃᑲᕐᕋᖏᑕ ᐅᖓᑖᓅᕈᑎᓂᒃ ᐊᖁᑎᓄᑦ ᐅᕝᕙᓘᓐᓃᑦ ᑎᑭᓴᐃᒍᑎᒃᓴᓂᒃ ᐃᓚᑦᓴᖏᓐᓂᒃ ᓄᓇᓯᐅᑎᐸᐅᔭᐃᑦ.

ᐃᓄᐃᑦ ᑲᑐᔾᔨᖃᑎᒌᖏᑦ – ᓄᓇᓕᓐᓂ ᐊᖑᓇᓱᓐᓂᕐᒧᑦ ᑮᓇᐅᔭᓕᑕᐅᒍᑏᑦ

ᐃᑲᔫᑏᑦ ᐃᓱᓕᒃᓯᒪᓕᕐᒃᑑᒃ : 2020-06-30

ᐃᓄᐃᑦ ᑲᑐᔾᔨᖃᑎᒌᖏᑦ $10,000−ᓂᒃ ᓄᓇᓕᓐᓂ ᐊᖑᓇᓱᑦᑐᓕᕆᔩᑦ ᑲᑐᔾᔨᖃᑎᒌᖏᓐᓅᖅᓯᔪᑦ (HTO) ᓄᓇᕗᒻᒥ ᐃᑲᔫᑎᒃᓴᓂᒃ ᓄᓇᓕᓐᓂ ᐊᖑᓇᓱᑦᑎᑦᓯᓂᕐᓄᑦ ᐃᑲᔫᑎᒃᓴᐅᓪᓗᑎᓪᓗ ᐊᒃᑐᐃᓯᒪᓗᐊᕇᒃᑯᑎᒃᓴᐅᓪᓗᑎᒃ ᓄᕙᔾᔪᐊᕐᓇᖅ−19−ᒧᑦ ᐃᓄᓐᓄᑦ ᒪᑭᒪᔾᔪᑎᑎᒍᑦ ᐊᑦᓱᕈᕐᓇᑐᒃᑰᖃᑦᑕᖅᑐᓄᑦ ᐊᒻᒪᓗ ᓂᕿᖃᑦᓯᐊᖃᑦᑕᖏᓐᓂᕐᒧᑦ. ᑐᕌᒐᖓ ᑎᒥᒧᑦ ᐊᑐᕐᓂᓕᓐᓂᒃ ᓂᕆᔭᒃᓴᖃᑦᓯᐊᕈᑎᒃᓴᓂᒃ, ᓂᕆᔭᒃᓴᖃᑦᓯᐊᕈᑎᒃᓴᓂᒃ ᐊᒻᒪᓗ ᐊᑐᐃᓐᓇᖃᕐᓂᕐᒥᒃ ᓂᕿᑦᓯᐊᕙᓐᓂᒃ, ᑎᒥᒧᑦ ᐊᑐᕐᓂᓕᓐᓂᒃ ᐃᓄᓕᖅᑕᓂᒃ ᓂᕿᓂᒃ ᑭᒃᑯᑐᐃᓐᓇᕐᓄᑦ, ᐃᓚᒌᓄᑦ ᐊᒻᒪᓗ ᓄᓇᓕᓐᓄᑦ ᓴᕐᖓᑎᑦᓯᒍᑕᐅᓂᐊᖅᑐᒥᒃ ᑎᒥᖓᑕ ᓴᐴᓗᑕᖏᓐᓂᒃ/ᐅᓇᑕᐅᑎᖏᓐᓂᒃ. ᑖᓐᓇ ᐱᓕᕆᐊᖅ ᐃᓱᓕᓚᐅᖅᑐᖅ ᔫᓂ 30.